《我的LEGO主題婚禮》超滿意的 deco draft

一年前已經 join 左 mygift decoration，對佢地有著無限信任，係我最放心的一 PART。

上年八月去酒店 site visit 時傾過下點整，之後都無乜聯絡（我太懶。。）BIG DAY 前一個月就收到 draft 喇。見好多 b2b 收到 deco draft 都好唔滿意，要左改右改，真係好好彩自己遇到間好 DECO，兩個 backdrop 都係一 TAKE 過合我心意呢。

 

MAIN BACKDROP (24 尺):::

紫色為主，用紙花整個大心心，旁邊放櫻花樹

 

《我的心心眼 EG》最後三強誕生@Kibo Labo

之前 hold 左一條大拖尾閃閃婚紗，一直在為三條迎賓、敬酒、送客 EG 苦惱。。我唔鍾意周圍去試衫（好怕比人 SELL），所以真係千挑萬選，揀左唯一一間有興趣先上去。無諗過真係比我一 TAKE 過揀到三條 EG，裙真係「貴精不貴多」呢～而且店員服務好好，比到有用意見我，唔會盲目話好睇。

 

《Let's Snap!!》Facebook/IG Hashtag 牌仔

而家人人有手機在手，人人都係攝影師～為左鼓勵客人 upload 我地 BIG DAY 既相上 facebook / instagram，我地就 DIY 左牌仔，每圍檯放一兩張。

一般攝影師都要三個月後先交相，如果客人密密 upload 相同 hashtag #YS20160320，就可以比我同未來老公率先精彩重溫同回味。

 

《獨一無二的回禮小禮物》附貼紙/買糖攻略

一直為回禮小禮物而感到好苦惱，想要用得、食得、睇得，最好仲要係獨一無二。估唔到比我淘到佢地，稍作加工，就變身成集齊咁多原素既「回禮小禮物」！！將製成品比姊妹搶先看，大家都話好特別，仲好襯我既 LEGO DECO THEME～ 

 

《個個都話KEEP》打造心思喜帖全攻略！

對我來講，派帖係一件尷尬既事，好似要炸人咁！但無諗過，大家都咁鍾意我張帖（大感動）！好多朋友都話會 KEEP，而且更加期待去我既婚禮！原來喜帖真的有魔力～～付出過的心思沒有白費呢。

 

《自家 CHOP 利是封》及 BIG DAY 利是 LIST

唔夠兩星期就 BIG DAY 喇，係時候整下個利是 LIST，順便 SHARE 下淘寶買的優質利是封。訂製個人化利是封好貴，所以動動小腦筋，用上了自家印章，感覺即刻唔同哂！

 

薯蛋頭車花誕生《DIY 公仔車花》

之前問過幾間 DECO 同花品公司，一個基本車花要 $600 左右（不連公仔）。。。覺得價錢太貴，所以決定動手自己做！這一對「薯蛋頭」先生太太 SIZE 異常巨大，製作時也有一些小貼士，當然要跟大家分享一下嚕。

 

易整．但花時間《LEGO 花球 & 簽名筆》

之前好多 b2b 整過彩色 LEGO 花球，但男友知我係 PINK 控，（難得地）主動 DIY 左一個粉紅色 LEGO 花球 & 四枝彩色波波簽名筆比我，寓手作於娛樂～

 

懶人整衣架大法《DIY 姊妹衣架》

見到好多 b2b 都會 DIY 衣架送比姊妹，多數用鐵線勾佢地個名，好有心機。但手殘既我，當然係用懶人整衣架大法啦～雖然簡單，但無諗過出黎既效果又幾好睇喎（跳起～）

 

簡易無難度《LEGO 兄弟姊妹襟花手花》

我第一個決定要自己 DIY 的 item 就係兄弟姊妹用既襟花、手花喇。。。因為佢地出鏡率高，每個 LEGO 人仔都各有特色，亦係代表送比佢地既小小心意。最重要係簡單易整，帶來大大的滿足感！我六個姊妹第一次見，已經爭住要搶角色喇！！

 

簡易低成本《DIY 滿天星姊妹花球》

近來見到好多 b2b 都會 DIY 姊妹花球，仲要係用新鮮的滿天星，真心佩服！但我自己 BIG DAY 前一日真係無時間去花墟買花，所以預早淘左「彷真」既滿天星，估唔到整出來效果都唔錯呢！而且每一紮的成本唔洗二十蚊人仔，DIY 做法亦非常簡單！

 

我的傳統複雜版過大禮🎁 (附禮藍+唐餅組合)

過大禮第一件事，當然係要擇日子，一般當日宜「納采」或者係「滿」日都可以。雖然兩家人都話簡簡單單，但為左令媽媽高興下，我地事前都預備充足。奶奶幫手買海味（六式海味，其中五款分十包回一半，另有四罐鮑魚）、紅酒（四枝回兩枝）、生果藍（六式生果，分兩藍回一藍），其餘都由我地事前包辦。要一個傳統體面既過大禮，其實唔難，只係麻煩在要周圍去拎野。