《回禮小禮物》好易整的 Homemade 潤唇膏

一直覺得「回禮小禮物」係對客人既小小心意，所以好想係自己 tailor made 既野。曾經想過曲奇餅、macaroon 等等，但食物要新鮮先好食，big day 前忙到爆，自己 homemade 真係無乜可能呢。咁岩見有朋友整 lip balm，自己用過覺得好香好潤，仲要全 organic 成份，小朋友 BB 都用得！於是我又走去學，無諗過 d steps 咁簡單，成本又平，真係人人都做得到！

 

我既完成品，如果印埋個人化貼紙，用來做「回禮小禮物」真係一流！

 

 

材料有蜂蠟 bee wax、椰子油、乳木果 shea butter、薰衣草 / 甜橙精油（其他喜歡的味道都可以），大部分材料在賣 organic 既鋪頭都有，精油最方便可以去 MUJI 買。工具係燒杯、透明唇膏筒、橙色唇膏托架。

 

 

開始第一步，就係用酒精消毒所有工具，搞掂就正式開始！將椰子油、蜂蠟、乳木果、精油 mix 在一起，低火滾起，期間用棒棒攪勻。待完全溶化後攤凍三分鐘，然後分兩次入落透明唇膏筒（因為一次過入，唇膏會比較易折斷）。

 

 

盡量倒得滿滿，凝固就會漲卜卜，唔會凹左落去喇

 

 

不用三分鐘，見住佢好快凝固，感覺成功在望！

 

 

然後就係工廠女工．痴貼紙時間，捲捲捲～

 

 

未開封既 homemade lip balm 可以 keep 到八個月，大日子前整定，時間都綽綽有餘～講到呢度，其實我都唔知自己係咪用佢黎做回禮，唔知我的麻煩男友批唔批〔苦笑〕