《vendor review 4》3.20 李廣才律師証婚

完婚喇！！其實「証婚律師」真係唔需要好出名，最緊要係零出錯、字正腔圓、有經驗、熟流程、準時、影相高大靚仔，當然 Albert Li 李廣才律師做到哂我地既要求啦。用相去比大家感受下整個過程，順便自己都回味下先（請鼓掌～～）

 

晚上八時正酒店現場：：：

 

我地淘左白色 + 藍色既手指燈，每位客人一人一隻，MARCH IN 時好有氣氛呢

 

 

上台喇！！欣賞我的攝影師們，總會影低呢D 細節位

 

 

我地係經 agent book，婚前只係同李律師傾過電話 confirm，未見過佢真人，但從電話談吐已經對佢非常有信心！當日佢預早到場，我在新娘房換緊婚紗，佢已經跟 MC 和新郎 briefing 好

 

 

李律師字正腔圓，仲有埋身體語言添，好有台型！我地選擇最傳統的誓言，老公照李律師預備既誓詞讀，睇我個樣幾開心〔忍唔住笑 〕

 

 

宣誓後就係交換戒指環節喇，心裡一直提自己要戴「左手」呢～

 

 

揭頭紗都有技巧架，新娘要微微低頭向前傾，新郎要雙手向後揭。

 

 

BRIEFING 時李律師問我老公，我地「情深一吻」時要唔要延長時間，製造氣氛～～我老公當然話要啦（仲無話比我聽），睇佢錫得幾肉緊

 

 

來到最後一步，就係正經時間，新人就座簽紙。

 

 

我地簽完就到雙方父母，做「草擬結婚書」時已經要揀好爸爸定媽媽上台。

 

 

我個 backdrop 係咪好靚呢〔自我陶醉中。。〕稍後會講下我間 DECO 公司

 

 

小貼士：李律師提我地証書套左面要曬張 A4 大相，打開影相會好睇D，又真喎。

 

禮成！！！李律師真係好高大、好靚仔、好專業、零出錯，掂哂