《尋紗記》附 20 間婚紗店 2016 報價 LIST

今個星期六約左 5 間婚紗店 fitting，去之前當然要做下功課

起碼知道自己想要咩，推介大家去 esdlife 新品櫥窗〔http://showcase.esdlife.com/〕

婚紗 / 晚裝 / 男禮 / 花球咩都有，又可以 target 自己鍾意既鋪頭

分享下我心目中既《THE ONESSS》啦～

 

婚紗：呢款一字肩好靚，胸位都係 A-LINE

我超想著魚尾，不過未知自己係咪 CARRY 到

 

《執相重點分享》淘寶 $4 修圖大滿意

影完台中 pre wedding 返黎，第一件事就係上淘寶修圖喇。因為我當時 join 既兩日 package 係全取 400 張相，但不包修圖，所以最後揀左 60 張左右去修，價錢係 RMB $4 x 60。

一般既要求：美白膚色、執手臂、執寒背、執光暗、藍天等等佢都會自動波，係有特別要求先需要同佢講。效果好好，總之就係一個價錢，修到你滿意為止，我都試過有一張相要比佢修三次先收貨。

淘寶修圖步驟：
♥ 先跟賣家用阿里旺旺聯繫〔談價錢 / 修圖要求〕
♥ 付款後把 JPG 傳送給賣家〔可直接用阿里旺旺或 QQ MAIL 傳送，除非你只是修一兩張，否則電郵只能使用 QQ MAIL，mb 數太大一般的 yahoo / hotmail / gmail 不能發送〕
♥ 兩三天內會修好，有不滿意的地方聯絡賣家再修

左邊係 BEFORE，右邊係 AFTER

 

《紅酒篇》EXPO 買到 $38 一枝靚紅酒

其實之前跟男友討論過好多次，我自己就想「一紅一白」，男友就想「兩紅」，屋企人仲話「兩紅一白」〔真係唔問好過問．．〕男友既理據係白酒比紅酒易入口，好快飲完，一圍一枝一定唔夠，到時無得再添就會得失客人。而且白酒要夠凍先好飲，萬一酒店收貨後唔記得雪，又多一樣麻煩野。

 

相反，紅酒係比較耐飲，每圍兩枝通常都夠。而且佢話去飲咁多次，真係唔係每對新人都有提供白酒，所以白酒唔係 must！就係咁，最後決定「兩紅」。

 

《婚前檢查》$758 二人，仲有得送柏氏抹片

上星期去 expo 既時候，順便 book 埋婚前檢查。場內主要有四間驗身公司，拎左單張 upload 比大家比較下。其實驗既 items 都係大同小異，我自己就 join 左盈康，因為有得免費做 pap smear〔柏氏抹片，出面私家做約六百蚊〕，再加送埋 $50 百佳 coupon!!

 

1) 美邦 ($769 二人，送幅射劑量讀數檢查)

《小玩意上集》結婚對戒 EXPO 價格攻略

去過幾次 EXPO，發現結婚對戒既品牌真係好多，又無時間每一間都去試，所以上網搵左好多資料，打算集中去兩三間睇。除了款式要合眼緣之外，材質都有分好多種 (18k, PT900, PT950, PT999)，還有舒適度、售後保養服務，全部都要問清楚呢～

 

I-PRIMO:

 

個人感覺：全 PT950、款式多、線條比較幼

Sales 細心有禮，售後服務好，三年內可改尺寸

有「以舊換新」服務，只要比 $1000 就可以有一隻全新同款

網上預約到門市有 $200 sogo coupon

 

EXPO OFFER：

滿 $10000 減 $1000

滿 $15000 減 $2000

禮物三揀一：戒指內側彩鑽各一粒 / 香檳杯 / 戒指枕

EXPO 期間，親臨專門店購買亦有 EXPO OFFER

 

《超簡易 DIY 鞋夾》淘寶褂鞋大變身！

之前淘左褂鞋和喜字鞋墊，質量好好，其實就咁睇都已經好靚。不過見好多 b2b 既 DIY 鞋夾好有個人特色，步驟簡單，所以自己都想試下整。加左鞋夾既褂鞋，感覺更立體更隆重呢～呢對獨一無二既褂鞋，成本都唔洗一百蚊！

 

Before:

拍出不一樣的 Pre-Wedding《拍攝道具篇》

1♥ Symmetry 定妝安瓶

如果去台灣影 pre wedding 的話，最好自備定妝安瓶。其實安瓶係高濃度的保濕精華，妝前打底用會令上妝更貼服。最好預備四枝，一枝男朋友、一枝自己面部、兩枝身體用〔因為到時身體都會上粉的〕。較出名的安瓶牌子有 Queen Mary、BioCare、Symmetry 等等，我就純粹以價錢出發，買了最便宜的 Symmetry。在旺角的水貨店買 $40 一枝，買十送一。

 

台中 masalili PW《彩縭花房》超多相之分享

尋日 post 既「水上教堂」感覺比較 classic，如果只係打算影一輯，「水上教堂」絕對係不二之選。如果好似我咁 join 左「好攝成雙」package〔即第二日攝影有八折〕，我就會推介大家去「彩縭花房。鐵道園區」，可以影下大自然輕鬆甜蜜感覺。花社一年四季都有鼠尾草，唔講以為去左日本的薰衣草園呢～親朋好友每次睇相，總會問一次我地ｄ花係真定假？當然全部都係真花啦，我自己都未見過咁靚的花海！

 

《彩縭花房。鐵道園區渡假婚紗之旅》開始～

日期：8.6.2015〔晴〕

攝影師：Eason / 造型師：Judy / 助手：小草

相片總數：193

詳情：http://www.masalili.com.tw/itinerary/marry%20event/36-orderStep1

 

第一套衫：

Y♥ 自然淡粉紅修身小禮服

S♥ 深藍條紋西裝配牛仔褲

地點：中社觀光花市

 

台中 masalili PW《水上教堂》超多相之分享

我 join 左台中 masalili 的「100% 晶純粹」套系，全取底片，完全唔洗加錢買相。真的超感謝第一日的攝影師 Tommy，他是一個很細心的人，溝通時告訴他想要的效果，他每一部分都記得，完全將我地想要的拍出來。而且他對照片很有觸覺，很會指導我們的笑容和動作，讓成品更自然更美，也會把女生拍得很顯瘦呢～
 

《水上教堂。聖潔無瑕渡假婚紗之旅》開始～

日期：7.6.2015〔晴〕

攝影師：Tommy / 造型師：Mandy / 助手：小草

相片總數：205

詳情：http://www.masalili.com.tw/itinerary/marry%20event/65-orderStep1

水上教堂周邊有十多個場景，相片太多，唯有每個場景只 post 一兩張嚕。

 

第一套衫：

Y♥ 浮誇珍珠白色大拖尾婚紗

S♥ 經典白色踢死兔燕尾禮服

 

台中 masalili Pre-wedding《溝通日+試衫日》

大半年前已經 book 左台中 pre wedding，滿心期待，終於出發喇。我地坐夜機去台中機場，落機後直接坐的士到 masalili 安排的「黎客商旅」酒店，車程大約二十分鐘。

 

台中 masalili Pre-wedding《超貼心客服》

相信不少 b2b 對台中 masalili 都唔會陌生，我都睇過好多 b2b 關於去 masalili 影 pre wedding 既分享，發覺大家都係一面倒地「讚」，所以我的心裡一早就鎖定了 masalili。由初步接觸，下訂單，直到而家倒數三天就出發了。整個 PW 事前的溝通過程，都讓我感到台灣人的熱誠有禮，非常放心把我的第一次 PW 交給 masalili。

 

1. 相片質素

台中咁多間 PW 公司，究竟點樣去揀好？第一樣要考慮的當然是相片質素。masalili 會把每對新人的 PW 相 upload 到 masalili blog，更新速度非常快。今天是 2/6，已經看到 26/5 幫新人拍的照片。masalili blog 上的照片全部都未經修圖，未修圖已經好靚～

 

Last single B-DAY +《趙太恤衫》

好多 b2b 介紹去平靚正既「趙太恤衫」，我當然要帶男友上去買返件啦。趙太星期一至四都會在大陸，星期五至日先會開鋪，大家要注意時間，唔好摸門釘喔。

 

非傳統，非潮褂《我的bling bling水晶褂》

去過「錦發」和「永隆」試褂，發現自己著小五福比較活潑，中五福就相對成熟，但小五福太少金銀線，家人又覺得唔夠貴氣。所以我好快就歸納到 my dream 褂：圖案立體，多金銀線，但著上去又要可愛，唔會感覺老左。非潮褂，又要符合呢個條件，只有「鴻運」繡莊既 bling bling 水晶褂啦。

 

《錦發/永隆/鴻運繡莊》試齊大中小五福

跟一個中學同學都有 5-6 年無見，估唔到今次見面係一齊去試褂。我地兩個都係第一次試褂，志在影下相比較下，試下自己究竟適合著大 / 中 / 小五福。我地平日放工時間去，目標就係上海街既「錦發」+ 「永隆」喇～

 

1) 錦發繡品

 

第一站先去「錦發」，朗豪坊行前少少，非常易搵。好出名既「嫦姐」招呼緊其他客人，「倫小姐」來幫我地試褂，服務一流，任影唔嬲，比我地試齊大小中五福。

 

小五福 $680：聽到個價錢呆左，$680 真係超抵，而且望上去仲係非常新淨。因為我個樣比較細個，所以小五福都好襯我，感覺活潑一點。不過小五福多紅色，少金銀線，好似唔夠貴氣，自己心裡都係想試埋中五福先。　

 

還未有喜帖，卻極速完成了《map card》

男朋友係 LEGO FANS，所以我地個 decoration 都會用 lego 做主題。之前在 wow blog 見大家分享 lego 花球 / lego 襟花等等，但 lego 既地圖卡。。。似乎未見過呢。估唔到喜帖都未選好，咁快就搞掂左 map card～

  

《睇場記》Courtyard by Marriott Sha Tin

雖然我地已經跟 Courtyard by Marriott Sha Tin 簽約，仲比埋第一期大訂，但。。。其實我係未親身去過睇場。酒店 ballroom 唔會對外開放，我一直懶懶閒未約 sales office hours 上去睇。上星期日酒店有 open day，於是把握機會直接上去睇喇～

 

《我的花車公仔》。。竟然係薯蛋頭太太？

跟男友一直都為花車公仔而煩惱，佢鍾意 Lego，我鍾意 Sonny Angel，可惜佢地無出過毛毛公仔。我地無特別鍾意既卡通人物，鬆馳熊同 Line 都可以接受，但實在太多人用，所以想搵特別少少既。。。

 

終於比我地遇到佢，就係 Toy Story 薯蛋頭先生同太太 喇。早幾日經過鯉魚門商場夾公仔，男友用了 $170 就夾到兩隻回來了。之後見到奇趣天地都有賣，但賣 $238 一隻呢。佢地既 size 比一般花車公仔略為大少少，好 sharp!!

 

《第一次試妝》全宇宙最強的 MUA JAN~

雖然仲有一年先 big day，但總係覺得自己既進度比人慢。近日終於 KO 左其中一個重要 item，就係 confirmd MUA JAN。上星期去試妝，正正係我想要既風格。妝感自然亮麗，假眼睫毛亦痴得好好。Jan 細心溫柔，同佢一齊既感覺好舒服。所以即時落訂，免左 $800 試妝費，好開心 one take 就搵到合我心意的 mua!!

  

下面呢個係褂頭 look，婚紗暫時想用 audrey 同 kelly 都整過既包包頭。
 

《場地佈置篇》即時落訂的 MyGift Decoration

上篇 blog 介紹左咁多間 deco 公司，呢篇會詳細講我 confirm 左既一間，就係好朋友介紹既 mygift decoration。佢既 fb page 上載左好多作品照，好合心水，design 高貴大方。簡單佈置固然無問題，有主題既亦做得好好 (eg: 英倫風 / 摩天輪 / 馬戲團 / 新人喜歡的某卡通人物)。加上朋友介紹一定信得過，即刻約時間上去觀塘的 showroom 傾傾喇。

 

《場地佈置篇》Decoration 公司最新報價資料

剛剛 confirm 左 decoration 公司，估唔到一拍即合!! 之前都有睇過其他公司，拎左十幾間既報價單，所以順便 upload 比大家參考。部分公司係用 PDF file，所以放唔哂上黎，如有需要可以 email 比大家呢～

Sweet Wedding Decoration
expo booth 多人到不得了，無人理我地。睇過佢既作品幾靚，信譽良好。
https://www.facebook.com/pages/Sweet-Wedding-Decoration/414472768594040

《証婚篇》李廣才律師 Albert Li

既然已經 book 好場，之後就係搵律師証婚喇。其實我自己無咩心水，都係爬下文，見到 blog 友大讚李廣才律師，話佢表現得體，識得執生，而且好有台型。於是上佢 facebook 睇睇，原來佢幾乎日日都有做證婚，真人果然好高大（高大影相真係特別靚！），一心一意決定搵佢喇。

 

《場地篇》Courtyard by Marriott Sha Tin

相信結婚最頭痛既一 part，應該係睇場喇。因為要 fulfill 到圍數，min charge 又要合理，仲要全家上下都鍾意，所以都幾難決擇。所以我地 set 左以下既 criteria，希望可以縮窄範圍。

 

圍數：星期六日 24-28 tables

場地要求：四方無柱 / 樓底高 / 唔洗同人 share 同一層

地區：沙田 (因為我地都係沙田友)，其次尖東 

 

《BIG DAY 攝影篇》附上 2015 最新報價資料

估唔到我地第一樣 confirm 既野，竟然係攝影師，仲要連場地都未 book（！）因為好既攝影師個期真係好爆，跟酒席一樣咁難 book。一直都深信就算婚禮搞得再好，如果無個好既 photographer，根本唔可以 catch the moment。而且 big day 當日我地會好忙，真係靠第日睇相來回味番d 細節同感動位。我地鍾意 natural style，做左好多 research，最後 sort out 左以下呢幾個:::

 

1) Daniel Yim (Confirmed!!)