非傳統，非潮褂《我的bling bling水晶褂》

去過「錦發」和「永隆」試褂，發現自己著小五福比較活潑，中五福就相對成熟，但小五福太少金銀線，家人又覺得唔夠貴氣。所以我好快就歸納到 my dream 褂：圖案立體，多金銀線，但著上去又要可愛，唔會感覺老左。非潮褂，又要符合呢個條件，只有「鴻運」繡莊既 bling bling 水晶褂啦。

 

第一眼望到佢已經心心眼，每條邊邊都釀上水晶，連衫袖和褂裙都有，非常 details。紅色既地方夠紅，金色既夠金，而且龍鳳圖案都係卜起，望落去好立體。

 

 

 

多左 bling bling 水晶，著上身個感覺就唔同哂，可愛好多，唔會老左。而且呢個五福石榴圖案亦好豐富，金銀線夠多夠密。PS：我呢件係新造，所以裙腳仲未釘好。

 

 

左邊係「錦發」，右邊係「鴻運」，近睇就會見到分別。

 

 

雖然價錢有 d over budget，但諗到一日可以著兩次（朝早同下午外影），加上匯豐卡即減五百，所以即場 confirm 租左水晶五福石榴。價錢比「錦發」同「永隆」貴，但又比「冠南華」平，算係中間啦。

 

鴻運好多 rules 的，想上去試褂既 b2b 要多加留意。

1. 先致電預約，基本上唔做 walk in，除非果日咁岩無客

2. 唔比影相，只可以影唯一一件，就係你比左錢 confirm 既一件

3. 只可免費試褂一件（著上身），其他款可以放上身拼一拼（唔可以著上身）

4. 如果想每一件都著上身，無限試，需要先付 $1680 按金，到 confirm 租邊件就扣返錢

5. 「鴻運」係唔會封褂的（頭褂除外），但每一件褂只會著五六次，所以你有機會著到頭褂，最差都只會著到第 5-6 手。關於新舊程度，我覺得唔需要擔心。上到去「鴻運」門市，你就會發現佢地既褂全部 keep 得好好，金銀線唔會啞色，比「錦發」、「永隆」新淨好多

6. BIG DAY 一個月前可以上去 final trial，到時可以見到屬於自己既褂，亦可以轉款轉 size