曼谷
既然已經 book 好場，之後就係搵律師証婚喇。其實我自己無咩心水，都係爬下文，見到 blog 友大讚李廣才律師，話佢表現得體，識得執生，而且好有台型。於是上佢 facebook 睇睇，原來佢幾乎日日都有做證婚，真人果然好高大（高大影相真係特別靚！），一心一意決定搵佢喇。
我打去律師樓，佢秘書竟然比佢手機號碼我，叫我直接搵佢約。因為李律師好忙，佢既 schedule 只有自己最清楚（又好似幾有道理）。我打比佢，真係佢親身聽電話，佢自己報 $3500 包 $305 註冊費。本身覺得有少少貴，可能要轉第二個。。。
後來我地搵到一間好細唔出名既 agent，佢幫我地 book 可以平到幾百蚊，於是即刻拍板！！當日律師會提供戒指枕和羽毛筆，證書套就要自己預備喇。大日子前一個月要去中環 office 再次核實身份証資料去做「擬結婚通知書」。
李廣才律師 Albert Li：
沒有留言:
張貼留言