《vendor review 5》100分合作無間的攝影師團隊 - Daniel Yim Photography Team

呢篇 blog 真係嘔心瀝血寫出黎.... 過千張既相，要花好多心機揀出黎 SHARE～不過 100 分既攝影師團隊，真的值得向大家推介一下。感激有佢地，我先可以重溫返當日既每一個片段，仲睇到好多 BEHIND THE SCENE 既野。同老公一齊睇相，真係婚後最佳活動之一。

 

1. 準時、有默契

 

一般攝影師開工時間係 from 8:30，佢地係 8:00 已經特別早，而且仲要 7:50 就到齊！！當時我仲化緊妝，佢地就幫我影下酒店既佈置 + 姊妹既 SNAP。老公同兄弟到左酒店樓下，勇哥就落去影佢地，Daniel 就影姊妹同媽咪幫我著褂，分工合作～攝影師們各有自己崗位，又會輪流食飯（總有人跟實我地影相），好有默契！

 

其實姊妹都唔識著褂，又係攝影師教既

 

 

兄弟們有大量超 CHOK 型相，我睇相時第一反應係。。乜你地影左咁多 

 

2. 做埋大妗姐 + 帶動氣氛

 

攝影師們全日都好 ACTIVE，好識帶動氣氛！！勇哥敬茶會講好說話，做埋大妗姐果份，令長輩們笑到見牙唔見眼～Daniel 佢地仲會「親身上陣」示範點擺 POSE，我地未影已經覺得好好笑喇～抱起 360 度 KISS KISS 聽落好誇張，但影相出黎效果好好呢

 

 

 

3. 識得執生

 

當日我地 delay 左好多，去完男家都差不多兩點。本身安排去大埔外影，但因為時間緊迫，攝影師們提議改去麗豪酒店旁邊的「王屋公園」。原來呢度係「法定古蹟」，古式古香，好襯我著褂外影呢～好在有佢地，無意中去到一個更好、更近既地方外影！

 

 

4. 影哂我 D DIY ITEMSSSS

 

如果有睇開我既 BLOG，應該都知我勁多 DIY ITEMS。攝影師全部幫我影低哂，一件不漏，連 decoration 公司既佈置都影到十足。佢地利用我換衫既時間去影，所以我當日都唔知佢地影左咁多呢

 

 

 

 

 

5. BACKDROP 打燈掂!!

 

我係擺沙田 Courtyard by Marriott，呢間酒店既燈光真係偏暗，但當然難唔到我既攝影師勇哥啦。影出黎個 backdrop 夠光，人又唔會黃，睇相仲靚過實景！！佢會常常 double check 自己影既相，見我面有油光，又會幫我叫 MUA 補補佢，好細心

 

 

 

6. 每換一條裙之前，都要我地補影幾張相先

 

當日我換左四條裙，分別係迎賓、婚紗證婚、敬酒、送客。每換一條裙之前，攝影師都會叫我地去酒店 LOBBY / BAR / 樓梯位補影幾張相先。後來發現呢 PART 係好！重！要！因為新人大部分都係 ON STAGE 既相，多得每次換裙之前既補影，我同老公至會有咁多單獨合照，亦為我既靚裙留下更多相片

 

 

 

 

呢張相係送客裙，影既時候全場客人已經走哂，連 DECO 公司都準備拆場！感謝勇哥影到最後最後，你地實在太專業，辛苦了

 

7. BIG DAY 菲林相

 

攝影師 Daniel 係菲林迷，有玩開專業菲林機。BIG DAY 當日佢除左影 digital 之外，仲有帶機幫我地影左少少菲林。菲林影出來真係跟 digital 好唔同，好有層次同立體感，望上去會粗糙一點，但又特別有 FEEL～～影菲林係 Daniel 興趣，又免費，我地當然唔介意影下菲林相啦

 

 

 

終於寫到尾聲，唔洗萬五蚊，有齊 2P1V1A，真心推介！！
 

- Daniel Yim Photography

(http://danielyimphotography.com / https://facebook.com/danielyimphotography)

- Standard 勇哥 (https://yungsphoto.wordpress.com/)

- Videoman Tony & 助手 Alan