易整．但花時間《LEGO 花球 & 簽名筆》

之前好多 b2b 整過彩色 LEGO 花球，但男友知我係 PINK 控，（難得地）主動 DIY 左一個粉紅色 LEGO 花球 & 四枝彩色波波簽名筆比我，寓手作於娛樂～

 

 

造法跟其他 b2b 分享過既彩色 LEGO 花球一樣，只係用左粉紅色 LEGO 磚  工具需要綠色鐵絲、熱溶膠槍，絲帶 / 葉子 / 閃石貼紙，全部購自深水埗小店。 

 

 

花球拎上手又圓又大，最有心思係佢o係中間砌左個大紅色心心

 

 

手柄位鋪上了簡單白色喱士，綁上了代表我同佢既 superman & superwoman

 

 

LEGO 花球會在 march in 時用，其餘時間會用「秋子」的鮮花球，我這一款價錢是 $1450。其實選「秋子」的原因很純粹，就是 MUA 說「秋子」最多頭花送

 

 

 

 

DIY 簽名筆：材料有雜色毛毛波 ($10 一小包)、發泡膠波波 ($4 一個)、絲帶 ($10 一碼)、UNI PAINT MARKER (樓下文具店 $10 一枝)，當然少不了神器：熱溶膠槍

 

 

做法非常簡單，用熱溶膠槍固定發泡膠波，再逐粒痴上彩色毛毛波，最頂預留位置痴 LEGO 人仔。最後用絲帶圍邊，為左更加美觀，連筆蓋都有痴上絲帶呢

 

 

希望 BIG DAY 來簽名既朋友仔會欣賞下佢地 

 

 

最後 SHARE 埋我的 LEGO 戒指盒，購自日本 OUTLET，簡單就是美