2015年10月14日 星期三

《極速 KO 姊妹裙》度身訂做長裙 $320

之前一直好擔心「姊妹裙」呢個項目,好怕揀唔到大家都鍾意既,無諗過兩星期內就完成 fitting + 定款!因為婚禮 deco 以紫色為主,姊妹裙都想統一紫色系,唔鍾意 rainbow tone,只能接受「同色唔同款」。好彩佢地既品味好相似,全部唔要閃石腰帶/花花/蝴蝶,偏向簡單大方款式。   
 


比較過好多間姊妹裙店,最後決定尖沙咀百利中心既 M2 wedding。姊妹們最少要上兩次鋪頭,第一次度身,第二次就係 big day 前既 final fit,所以地點真係好重要。我唔想班姊妹去深水步 / 荔枝角 / 觀塘,尖沙咀肯定係大家都方便既。至於價錢,度身訂做長裙 $320 一條〔3/2016 b2b 夾單團購價〕,應該係最抵 TOP 3 之一。
 
鋪頭既款式好多,任試任影相,自由度好大。
可以要 A 裙既款,B 裙既色
紗紋: 可揀橫紋 / 交叉紋
心口位: 可揀平領 / 心形胸
肩帶: 可揀無帶 / 吊帶 / 闊紗膊
腰帶: 可揀無帶 / 絹帶加紗花 / 絹帶加絹花 / 絹帶無花
 
 
 
 
 
以下呢位姊妹高 172cm,試裙比較難,因為 sample 無咁大 size
 
 
 
 
 
我心目中係紫色 tone,但紫色都有好多種,唔同光線底下,又會有唔同既紫色
 
 
M2 既姊妹裙有三層,外層係薄紗,中層係厚身布,內層就係底裙〔外層、中層的顏色可以自選〕。同一個外層,唔同顏色既中層,望落去都會有唔同效果呢~
 
 
小插曲:其中一個姊妹好有意見〔親,你懂的〕,老闆娘 Amy 見到呢個情況,好識做咁話「呢 D 通常係新娘決定既。」即時救我一命,實在要比掌聲多謝佢
 
 
FB search 到有兩間 M2 wedding,我係去下面呢間喔~
地址 : 尖沙咀漆咸道南87-105號百利商業中心3樓304室

沒有留言:

張貼留言